शाळेचे अधिकृत सोशल मीडिया दुवे

🙏 सर्वांना नमस्कार!

✨ आपल्या गावची शाळा - आपला अभिमान!

पंडीत जवाहरलाल नेहरू विद्यालय, रावगाव ही केवळ एक शाळा नव्हे, ती आपल्या आयुष्याचा पाया आहे... जिथं आपली अक्षरओळख झाली, जिथं शिक्षकांनी आपल्यातला चांगला माणूस शोधला. आज आपण आयुष्यात कुठेही असलो, तरी त्या वर्गखोल्यांची, प्रार्थनेच्या ओळींची, आणि मित्रांच्या खोड्यांची आठवण अजूनही ताजी आहे!

• हाच तो स्नेह पुन्हा जपण्यासाठी,
• शाळेची मदत, मार्गदर्शन, व आपुलकीने साथ देण्यासाठी,
• आणि आपल्या नवीन पिढीसाठी काहीतरी करून देण्यासाठी

आम्ही हा ग्रुप शासन आदेशानुसार आपल्या लाडक्या शाळेच्या भौतिक, शैक्षणिक आणि सर्वांगीण विकासासाठी, तसेच विद्यार्थ्यांच्या उन्नतीसाठी एकत्रितपणे काम करण्याच्या उद्देशाने तयार करत आहोत.

🎯 ग्रुपचा मुख्य हेतू:

• शाळेचा सर्वांगीण विकास
• शाळेसाठी नवीन व उपयुक्त उपक्रम सुचवणे
• शाळेच्या गरजा ओळखून सहकार्य करणे
• आपली शाळा - आपली जबाबदारी म्हणून विविध उपक्रम राबवणे
• विद्यार्थ्यांसाठी प्रेरणादायी सत्रे व मार्गदर्शन
• शाळेसाठी भौतिक सुविधांचा विकास
• माजी विद्यार्थ्यांच्या नेटवर्कद्वारे सामाजिक सहभाग वाढवणे

कृपया लक्षात घ्या:

⚠️ या ग्रुपमध्ये कोणत्याही प्रकारच्या राजकीय, वादग्रस्त चर्चा होणार नाही याची काळजी सर्वांनी घ्यावी. या ग्रुप वरती फक्त शाळेच्या हितासाठी तसेच विद्यार्थ्यांच्या सर्वांगीण विकासासाठी चर्चा होणे अपेक्षित आहे.

❤️ शाळा घडवते माणूस - आपण घडवूया शाळा!

➕ “एकत्र येऊया... एकत्र घडवूया!”

श्री विजय विनायक कोळेकर
मुख्याध्यापक
पंडित जवाहरलाल नेहरू विद्यालय रावगाव